ҚР Ұлттық ядролық орталығының делегациясы «ABAI SCIENCE FEST» фестиваліне қатысты
«Қазақстан Республикасының Ұлттық ядролық орталығы» РМК делегациясы Семей қаласында Shakarim University базасында өткен «ABAI SCIENCE FEST» фестиваліне қатысты.
Шара аясында Абай облысының әкімі Берік Уәлидің өңірдің жас ғалымдарымен кездесуі өтті. Оған жоғары оқу орындарының, ғылыми ұйымдардың, ҚР Ұлттық ядролық орталығының, Ядролық технологиялар паркінің, Ядролық медицина және онкология орталығының, сондай-ақ өңірдің басқа да зерттеу және өндірістік құрылымдарының өкілдері қатысты.
Фестивальдің негізгі элементтерінің бірі ғылыми жобалар мен әзірлемелер көрмесі болды. Онда агротехнологиялар, медицина, жасанды интеллект, биотехнология, ядролық технологиялар, экология және тамақ өнеркәсібі саласындағы инновациялық шешімдер ұсынылды.
ҚР Ұлттық ядролық орталығының өкілдері іс-шараға қатысушыларды кәсіпорын қызметінің бағыттары бойынша әзірлемелермен таныстырды. ҚР ҰЯО-ның осы іс-шараға қатысуы кәсіпорынның ғылыми-техникалық әлеуетін көрсетуге, сондай-ақ өңірдің дамуындағы атом ғылымы мен қолданбалы технологиялардың рөлін атап көрсетуге мүмкіндік берді.
Кездесу барысында Абай облысының әкімі ғылыми әлеуетті нығайтудың, жас зерттеушілерді қолдаудың және олардың өңірдегі кәсіби өсуіне жағдай жасаудың маңыздылығын атап өтті. Ғылыми инфрақұрылымды дамыту, жастарды зерттеу қызметіне тарту және әкімдік, бизнес, жоғары оқу орындары мен ғылыми ұйымдар арасындағы өзара іс-қимылды кеңейту мәселелеріне ерекше назар аударылды. Атап айтқанда, Курчатов қаласында ғылым қалашығын құру жөніндегі жоспарлар өңірлік ғылым мен технологияны дамытудың ұзақ мерзімді перспективаларын айқындауға мүмкіндік берді.
Іс-шара қорытындысы бойынша өңірлік ғылымды дамыту жүйелі үйлестіруді, жас ғалымдарды қолдауды және ғылыми зерттеулерді практикалық бағдарлауды талап ететіні атап өтілді. ҚР Ұлттық ядролық орталығының «ABAI SCIENCE FEST» -ке қатысуы Абай облысының ғылыми бастамаларын ілгерілетуге және ғылыми ұйымдар, білім беру мекемелері мен өңірлік билік органдары арасындағы ынтымақтастықты нығайтуға маңызды үлес болды.
