ИВГ.1М зерттеу реакторын конверсиялау

ҚР ҰЯО АЭИ пайдаланатын ИВГ.1М зерттеу реакторын конверсиялау жөніндегі жұмыстары 2010 жылы басталды. 2013 жылдың соңына дейін есептік-теориялық жұмыстар жүргізілді, бұл сипаттамалардың нашарлауынсыз ИВГ.1М реакторын конверсиялау мүмкіндігін растады. Жоғары байытылған уранды азайту және конверсиялау жөніндегі барлық жұмыстар АҚШ Энергетика департаментінің Ядролық қауіпсіздік жөніндегі ұлттық әкімшілігінің (NNSA DOE US) қолдауымен жүргізіледі.

2014 жылы реакторлық сынақтар жүргізу үшін РФ «ЛУЧ» ҒӨБ ФМУК (ИВГ.1М отынының бас конструкторы) дайындаған төмен байытылған отыны (ТБУ) бар екі эксперименттік арна жеткізілді. 2016 жылға дейін пысықтау, техникалық талаптарды келісу, бұйымдарды дайындау технологиясына өзгерістер енгізу бойынша жұмыстар жүргізілді. Реакторлық сынақтар 2017 жылы басталып, 2019 жылдың қазан айында аяқталды, мақсатты жұмыс сағатына 1080 МВт жетті, реактор барлығы 49 рет іске қосылды. Ресурстық сынақтар бағдарламасын іске асыруды жеделдету үшін ҚР ҰЯО РМК «Байкал-1» зерттеу реакторлары кешенінде реактордың жылу тасымалдағышын салқындату жүйесін салу бойынша жоба іске асырылды, бұл бағдарламаның орындау мерзімін үш жылдан екі жылға дейін қысқартуға мүмкіндік берді.

ТБУ-отыны бар ИВГ.1М реакторын пайдалануға енгізу 2022-2023 жылдарға (энергетикалық іске қосу) белгіленген.