JAEA, MUS және ҰЯО мамандарының post-EAGLE-3 халықаралық техникалық кездесуі

2026 жылғы 26-28 қаңтар аралығында Курчатов қаласында JAEA, MUS және ҰЯО мамандарының post-EAGLE-3 халықаралық келісімшарты бойынша алтыншы техникалық кездесуі өтті, онда төртінші буын JSFR конструкциясының негіздемесіне реакторішілік және реактордан тыс зерттеулер жүргізу мүмкіндігін техникалық-экономикалық негіздеу (ТЭН) жөніндегі жұмыстар орындалады. Техникалық кездесудің негізгі күн тәртібі: күнтізбелік жоспарға сәйкес ТЭН орындалатын кезеңдерінің мәртебесін айқындау, реакторішілік және реактордан тыс эксперименттік құрылғыларды жобалаумен байланысты нәтижелерді, сондай-ақ ИГР реакторындағы сынақ режимдерінің есептік (нейтрондық-физикалық және жылу физикалық) негіздемесін талқылау болып табылады. Уақыттың көп бөлігі EAGLE-4 эксперименттік бағдарламасының жаңа келісімшарт жобасын дайындау және келісу мерзімдерін талқылауға арналды, оларды іске асыру мерзіміне әсер ететін эксперименттік жұмыстарды орындау кезінде туындауы мүмкін жағдайлар, ықтимал проблемалар мен қиындықтар талқыланды.

JAEA командасы ҰЯО мен JAEA жоспарлы-экономикалық және қаржылық бөлімшелері қызметкерлерінің қатысуымен жұмыстардың тапсырыс берушілері және зерттеулердің кураторлары болып табылатын мамандармен бейнеконференция арқылы таныстырылды.

Жалпы, кездесу жоғары техникалық деңгейде өтті, JAEA серіктестері техникалық мәселелер мен келісімшарттық міндеттемелер аясын тиімді талқылауға қатысты өздерінің оң бағаларын берді. Тараптар келісімшартты орындауға, эксперименттер жүргізудің күнтізбелік жоспарын орындаудың мерзімдері мен қатаң шарттарына байланысты проблемаларды түсінуді растады.

Кездесу қорытындысы бойынша хаттама шығарылды, онда тараптар алдағы іс-қимылдар мен міндеттемелер туралы келісті. ТЭН есебі мен оның материалдары Тапсырыс берушіге 2026 жылғы 5 ақпанға дейін белгіленген мерзімде тапсырылады. Келесі техникалық кездесу 2026 жылғы маусымда өтеді, онда EAGLE-4 зерттеу бағдарламасы бойынша келісімшартқа қол қою жоспарланып отыр.