«Spark» командасы Электрохимиядан Халықаралық Олимпиадада арнайы сертификат пен ақшалай сыйлық алды

2025 жылғы 19 қарашада Электрохимиядан «International the Olympiad in Electrochemical Material Science» 5-ші Халықаралық Олимпиада өтті. Іс-шараны ұйымдастырушылар мен демеушілері Электрохимиялық өндірістер технологиялары зертханасы мен әл-Фараби атындағы Қазақ Ұлттық Университетінің аналитикалық және коллоидтық химия және СЭТ кафедрасы болды. Олимпиада онлайн-форматта өткізілді: командалар өкілдері жұмыс зертханалық үстелдеріне қарама-қарсы камералар орнатты, бұл қазылар алқасына тапсырмалардың орындалуын нақты уақыт режимінде бақылауға мүмкіндік берді. 3 сағаттық жұмыс аяқталғаннан кейін қатысушылар сараптамалық бағалау үшін ағылшын тілінде есеп берді.

Халықаралық қазылар алқасының құрамына PhD Boy Федор Игоревич (әл-Фараби атындағы ҚазҰУ), Dr. netanel Shpigel (Ariel University, Израиль), Prof. ilie Hanzu (TU Graz, Австрия), Prof. thierry Jenizian (Mines Saint-Etienne, Франция), докторант Жигаленок Ярослав Святославович және докторант Әбдімомын Сәкен Қынабекұлы (әл-Фараби атындағы ҚазҰУ) енді. Олимпиаданың жүлде қоры Электрохимиялық өндірістер технологиялары зертханасы, WTC Group, Labtex, ALEMTRADE COMPANY, Kazakh-American free university және CIQTEK ұсынған 5000 еуроны құрады. Жарысқа 8 елдің 13 университетінен 12 команда қатысты.

Құрамына Сутегі энергетикасы саласындағы технологиялық құзыреттер орталығының қызметкерлері Өкен Оспан, Жақия Риза, Күлбедин Данил және Қайырбекова Әсел кіретін Қазақстанның Ұлттық ядролық орталығының «Spark» командасы ерекше танылды. Команда «for a creative approach to instrumental» арнайы сертификатымен марапатталды, бұл «өлшеу және талдау жабдықтарымен жұмысқа креативті көзқарасы үшін» деген мағынаны білдіреді, сондай-ақ 100 000 теңге мөлшерінде ақшалай көтермелеуге ие болды. Команда қатысушыларының жоғары дайындық деңгейі, кәсібилігі мен зерттеу мәдениеті Қазақстанды беделді халықаралық ғылыми алаңда лайықты танытуға мүмкіндік берді.